Lunglei Municipal Council atanga chhuah theih nan hma la zel

30 Oct 2026: Lunglei Municipal Council Ward XI (Zobawk N & S leh Lungpuizawl) huamchhunga tlawmngaipawl hrang hrang YMA, MHIP, MUP, Consumer Association leh Local Council ten an din Joint Action Committee te chuan Lunglei Municipal Council atanga an chhuah theih nana an hmalakna kalzelah Chief Minister leh Home minister-ah tunhnai khan lehkha an thehlut a, Chief Minister hi dam lohna avangin Office a kal thei lova, a PS hnenah lehkha hi an thehlut a ni.

Jt.Action Committee hruaitute chuan lehkha hi a tul ang zela bawhzui anih tur thu te, an harsatna leh an dinhmun an thlen te chu ngaihpawimawh sak tur leh hma laksak ngei turin Sorkar thuneitute an ngen tak meuh tih an sawi a, lehkha hi CM bakah Home Minister leh bialtu Minister-ah a Copy an pe bawk.

He mi rual hian Mizoram State Sport Accademy Tlawnghnar a hnathawh kal mek, hun rei tak chawlhsan tawh chu hnathawh chhunzawm thuai anih theih nan Sport minister-ah lehkha thehluh a ni bawk a, Zobawk tuilakna tur recharging dam, sum awmsa tawh leh thawktu tur pawh thlan fel vek tawh hi hnathawh thuai anih theih nan leh fur thlen hma ngeia hna tan anih theih nan a changtu Minister hnenah lehkha an thehlut nghal bawk.