31 July 2024: National TB Elimination Programme – kum 2025 hmaa TB natna umbo tuma hmalakna kal zelah vawiin-ah TB Elimination Acceleration Project hnuaiah Zohnuai Lunglei mipuite tan a thlawna inentirna buatsaih a ni. Khawl changkang (Cough AI application leh Handheld XRay) hmangin TB screening neih a ni a, mi 100 chuang an inentir a ni.
He Project hi India ram puma a hmasa ber atan Mizoramah tan niin, Aizawl leh Lunglei district-ah te tan phawt a ni. He project hnuaia hmalakna te hi nakinah India rama state hrang hrangte tana entawn turin chhawpchhuah a ni dawn a ni.
