Infiammi 118 kalkhawmte an inel dawn

Ni hnih chhung awh tur, All Mizoram Karate Association, Lunglei District buatsaih AMKA Inter District Karate Championship vawi 18-na chu vawiin chawhma lam khan High Powered Committee Vice Chairman Pu Lawmawma Tochhawng chuan Chanmari Hall, Lungleiah a hawng.

Hawnna inkhawm hi AMKA Lunglei Vice President Pu Lalfangzauvan a kaihruai a, khuallian Pu Lawmawma Tochhawng chuan infiammi kalkhawmte chu Martial art lama an thiamnate khawtlang tan hmang tangkai a, hriselna kawnga hmasawn nan leh nun kawng khalh ngiltua hmang turin a chah a ni.