Lunglei SP Office bul kawngpui lai taka motor lian chi a chhiat leh avangin vawiin (Oct 4, 2023)-ah lirthei leh mihring vei vak tam chhoh laiin harsatna a thleng leh ta.
Lunglei khawpui laili leh kawngpui lun lai, Police Station kawt leh SP Office bul chho ulh laiah hian motor lian chi chhe foin, lirthei chetvelnaah harsatna a thlen fo thin a ni.
Kum 10 chuang liam tawh atang khan Lunglei khawpuiin Bypass Road a mamawh thu hi auchhuahpuitu an awm thin a, sawrkar lam atanga hmalak tumna leh hmalakna thawm pawh a awm thin. Chutih laiin Bypass chungchanga a taka a thlen chin dinhmun erawhchu he ti zawng hi a la ni ta rih a ni. Lirthei pung chak tak karah kum engemawti chhung chu he harsatna hi Lunglei khawpui hian a la tawk nasa telh telh rih dawn niin a lang.
